Mižnarodnaje ahienctva Fitch adklikała rejtynhi troch biełaruskich kampanij
Mižnarodnaje rejtynhavaje ahienctva Fitch Ratings adklikała rejtynh finansavaj ustojlivaści strachoŭščykaŭ (IFS) biełaruskich strachavych kampanij. Pryčyna — adsutnaść dastatkovaha dostupu da infarmacyi dla padtrymańnia rejtynhaŭ.
Fitch bolš nie budzie pradastaŭlać rejtynhi abo analityku pa troch biełaruskich strachavych kampanijach, udakładniajuć u ahienctvie. Havorka idzie pra «Biełaruskuju nacyjanalnuju pierastrachovačnuju arhanizacyju», «Biełdziaržstrach» i «Ekspartna-impartnuju strachavuju kampaniju».
Raniej ahienctva Fitch paniziła doŭhaterminovy rejtynh Biełarusi ŭ zamiežnaj valucie z uzroŭniu SSS da pieraddefołtnaha S, što aznačaje abo pačatak defołtu, abo pracesu, padobnaha da defołtu, abo biaździejnaść emitenta. Tak ahienctva adreahavała na niadaŭniaje rašeńnie biełaruskaha ŭrada i Minfina vykonvać abaviazacielstvy pa jeŭraablihacyjach u biełaruskich rublach.
Paźniej biełaruski Minfin adreahavaŭ na panižeńnie doŭhaterminovaha rejtynhu, zajaviŭšy, što heta subjektyŭnaje rašeńnie.