Bałharski dypłamat prezientavaŭ knihu ŭ Minsku
21 vieraśnia ŭ Nacyjanalnaj biblijatecy Biełarusi prajšła prezientacyja knihi byłoha pasła Bałharyi ŭ našaj krainie, prafiesara Pietki Hančava. Knihu «Pamiž byłym i budučym» skłali asnoŭnyja frahmienty z trochtomnaha safijskaha vydańnia.
«Pamiž byłym i budučym» ujaŭlaje saboj panaramu bahłarskaj historyi ź siaredziny 1940-ch i da 2005 hoda.
«Heta nie tolki litaratura. Heta i palityka, i fiłasofija, i historyja, i maje ŭłasnyja ŭspaminy», — adznačaje prafiesar. Na prykładzie svajho žyćcia aŭtar raspaviadaje pra ŭsiu krainu.
U bližejšy čas dypłamat pakinie našu krainu. Ale jon paabiacaŭ napisać pra jaje knihu. I nazvu adrazu prydumaŭ — «Biełaruś u ciažkoj baraćbie za budučyniu».
***
Pietka Hančaŭ — pasoł Bałharyi ŭ Biełarusi ŭ 2005-2009 hadach. Prafiesar, doktar fiłasofskich i palitałahičnych navuk. Hanarovy prafiesar Hrodzienskaha dziaržaŭnaha univiersiteta imia Janki Kupały i Biełaruskaha dziaržaŭnaha piedahahičnaha univiersiteta imia Maksima Tanka. Aŭtar bolš jak 30 knih. U Biełarusi vychodziła jaho manahrafija «Hihant, jaki adradžajecca. Cyvilizacyja i fiłasofija Staražytnaha i Sučasnaha Kitaja».