BIEŁTA rassakrečvaje pryvatnaje žyćcio Łukašenki?
My ŭžo zvykli da taho, što kiraŭnik našaj dziaržavy vinšuje z narodzinami rasijskich premjer-ministra, ministra zamiežnych spravaŭ, ciapier voś — muža Aleny Baturynaj z 73-hodździem. Piša Siarhiej Mikulevič.
«Alaksandr Łukašenka pavinšavaŭ mera Maskvy Juryja Łužkova z dniom narodzinaŭ»,— paviedamiła
infarmahienctva BIEŁTA sa spasyłkaj na pres-słužbu kiraŭnika dziaržavy. My ŭžo zvykli da taho, što kiraŭnik našaj dziaržavy vinšuje z narodzinami rasijskich premjer-ministra, ministra zamiežnych spravaŭ, ciapier voś — muža Aleny Baturynaj z 73-hodździem. Voś užo sapraŭdy:
praściej vyhnać Łukašenku z Maskvy, čym Maskvu z Łukašenki.Chto choć raz čuŭ pra anałahičnyja revieransy Dźmitryja Miadźviedzieva ŭ bok spadaroŭ Sidorskaha, Martynava i v.a. kiraŭnika Minharvykankamu Mikałaja Ładućki?
Jak pryvatnaja asoba ci prosta jak palityk, Alaksandr Łukašenka, viadoma, maje prava vinšavać choć čorta łysaha. Ale nie jak prezident.Jakaja da hetaha sprava pres-słužbie kiraŭnika dziaržavy? I tym bolš dziaržaŭnaj infarmahiencyi? Jak niezaležnyja žurnalisty chočuć daznacca, što za błandzinka była z Łukašenkam na łyžnym kurorcie ŭ Sierbii, dyk pres-słužba spasyłajecca na tajamnicu pryvatnaha žyćcia. Čamu tut nie baroniać?
Ci takija vinšavańni i zvon ab ich na ŭvieś śviet važnyja dla demanstracyi łajalnaści, za jakuju pa staroj pamiaci spadziajucca kupić inviestycyi ŭ novyja «Damy Maskvy», «Minsk-sici» i h.d., u jakich ciesna pieraplecienyja vyklučna pryvatnyja intaresy samych vysokich asobaŭ jak ź Minska, tak i z Maskvy.
«Ty niby učora pračnuŭsia», — skažacie vy mnie. Ale dziŭna, što mnohija niedapuščalnyja pry narmalnym funkcyjanavańni dziaržavy rečy ŭsprymajucca jak norma. Tak padryvajecca prestyž krainy.