Piać siemjaŭ hadami žyvuć na dvare praz abyjakavaść čynoŭnikaŭ
Žycharam Minščyny, jakija paciarpieli ad pažaru niekalki hod tamu, nie dajuć novaha žytła zamiest źniesienych kvater.
Žycharam Minščyny, jakija paciarpieli ad pažaru niekalki hod tamu, nie dajuć novaha žytła zamiest źniesienych kvater.
U sakaviku 2005 hoda ŭ šmatkvaternym domie ŭ vioscy Traskoŭščyna Minskaha rajona adbyŭsia pažar. U vyniku zdareńnia ahniom byli źniščanyja siem kvater i majomaść žycharoŭ. Kryminalnaja sprava nie była zaviedzienaja, bo pryčynaj stała parušeńnie praviłaŭ pažarnaj biaśpieki padčas ustalavańnia kominu piečy. Vinavatym pryznany vykanaŭca abaviazkaŭ kiraŭnika ŽKU №11 KUP «ŽKH Minskaha rajona», jaki źjaŭlaŭsia adkaznym za supraćpažarny stan doma.
Paśla abśledavańnia dom byŭ pryznany nieprydatnym da pražyvańnia. U vyniku jaho źnieśli.
Razam z tym da ciapierašniaha času na praciahu amal piaci hadoŭ, ni Haranski sielski vykanaŭčy kamitet, ni Minski rajvykankam nie zabiaśpiečyŭ paciarpiełych ad pažaru hramadzianaŭ novym žyllom. Piać siemjaŭ zmušanyja tulacca pa susiedziach i znajomych.
Jak paviedamlaje pres‑słužba Hienprakuratury, prakuror Minskaj vobłaści źviarnuŭsia ŭ Minrajvykankam z patrabavańniem pryniać miery i zabiaśpiečyć žyłymi pamiaškańniami siemji, a taksama pryciahnuć da adkaznaści słužbovych asob, jakija dapuścili takija hrubyja parušeńni.