Realizacyja ŭ Biełarusi prajektaŭ Uschodniaha partniorstva moža być pačataja ŭ 2010 h.
Realizacyja prajektaŭ u ramkach prahramy Jeŭrasajuza «Uschodniaje partniorstva» moža być pačata ŭ 2010 hodzie, paviedamiŭ namieśnik ministra zamiežnych spraŭ Valeryj Varaniecki,
adkazvajučy 22 vieraśnia na pytańni deputataŭ padčas pasiadžeńnia kamisii pałaty pradstaŭnikoŭ pa mižnarodnych spravach i suviaziach z SND.
Pavodle słoŭ dypłamata, u prajektach, jakija padrychtavany Biełaruśsiu, akcent robicca na raźvićci tranzitnaj infrastruktury, stvareńni transpartnych kalidoraŭ, a taksama pytańniach, źviazanych z transpartnym zabieśpiačeńniem i spraščeńniem mytnych pracedur.
Namieśnik ministra paviedamiŭ, što hetyja prajekty ciapier abmiarkoŭvajucca ź Litvoj, Łatvijaj, Ukrainaj, Polščaj, ale pakul Jeŭrakamisija tolki vypracoŭvaje miechanizmy ich zaćviardžeńnia i mahčymaj realizacyi.
Varaniecki taksama adznačyŭ, što vosieńniu hetaha hoda ŭ Stakholmie pavinna adbycca sustreča staršyniaŭ kamitetaŭ pa mižnarodnych spravach parłamientaŭ krain — udzielnic Uschodniaha partniorstva. Pavodle jaho słoŭ, na sustrečy płanujecca razhlad padychodaŭ da arhanizacyi mižparłamienckaha ŭzajemadziejańnia pamiž strukturami Jeŭrasajuza i dziaržavami — udzielnicami Uschodniaha partniorstva.
Pavodle słoŭ namieśnika ministra, nieabchodna vyrašyć pytańnie farmatu ŭdziełu Biełarusi ŭ parłamienckaj struktury Uschodniaha partniorstva. Pavodle jaho słoŭ, Jeŭraparłamient prapanuje «niekalki nietradycyjny sposab» hetaha ŭdziełu, što «nie adpaviadaje intaresam biełaruskaha boku».