U Jekaciarynburhu zatrymali byłoha mera horada Jaŭhiena Rojzmana
U dačynieńni da jaho raspačali kryminalnuju spravu pa artykule za paŭtornuju dyskredytacyju rasijskaj armii.
Eks-mera Jekaciarynburha zatrymali va ŭłasnaj kvatery pa kryminalnaj spravie ab dyskredytacyi armii, pa jakoj jamu moža pahražać da piaci hadoŭ pazbaŭleńnia voli. U kvatery palityka, a taksama ŭ ofisach jaho fondu i muzieja prachodziać pieratrusy.
Spravu zaviali, pavodle jaho słoŭ, za adnu frazu: «uvarvańnie va Ukrainu».
«Ja jaje ŭsiudy kazaŭ i ciapier skažu», — udakładniŭ Rojzman.
Palityk staŭ viadomy dziakujučy rezkamu stylu vykazvańniaŭ u sacsietkach.
Zatrymańnie Rojzmana paćvierdziŭ «RBK» jaho advakat Uładzisłaŭ Idamžapaŭ. Jon dadaŭ, što jaho nie dapuskajuć da praviadzieńnia śledčych dziejańniaŭ z udziełam padabaronnaha, što parušaje kryminalna-pracesualnaje zakanadaŭstva. «Pakul my čakajem. Dakumienty jašče nie bačyŭ, pakul ničoha peŭnaha skazać nie mahu», — skazaŭ juryst.
«U dačynieńni da jaho zaviedzienaja kryminalnaja sprava ab dyskredytacyi ŭ dačynieńni da rasijskaj armii», — skazaŭ surazmoŭca TASS. Sam zatrymany paźniej udakładniŭ, što sprava pavodle art. 280.3 KK zaviedzienaja ŭ Maskvie. Pavodle źviestak krynicy TASS, pryčynaj pasłužyła videa na YouTube-kanale Rojzmana.
Pamočnica eks-mera Łejła Husiejnava paćvierdziła jaho zatrymańnie i paviedamiła, što ŭ kvatery, u pryvatnym muziei Niaŭjanskaj ikony i ofisach fondu Rojzmana prachodziać pieratrusy.