Łukašenka pavinšavaŭ narod Ukrainy z Dniom niezaležnaści
Siońniašnija supiarečnaści nie zmohuć razburyć fundamient dobrasusiedskich adnosin, zajaŭlaje Łukašenka. Taksama ŭ paviedamleńni havorycca, što Biełaruś praciahnie vystupać za zachavańnie zhody i raźvićcio siabroŭskich kantaktaŭ na ŭsich uzroŭniach.
Admietna, što vinšavańnie było nakiravanaje nie kiraŭniku dziaržavy, a narodu. Tak apošnija dva hady robicca stasoŭna ŭsich dziaržaŭ, jakija asudzili falsifikacyju vybaraŭ i represii suprać naroda.
Z Ukrainaj — vypadak asobny. Roŭna paŭhoda tamu Biełaruś stała dziaržavaj-suahresaram: ź jaje terytoryi ŭvachodzili rasijskija vojski i zapuskalisia rakiety.
Asabista Łukašenka spačatku kazaŭ, što nikoli nie dazvolić, kab ź Biełarusi chtości napaŭ na paŭdniovuju susiedku, paśla pačaŭ kazać, što vajna budzie ciahnucca try-čatyry dni, a Zialenskaha nazyvaŭ «napaleončykam» i zaklikaŭ da kapitulacyi.