Snarady ŭ Daniecku prylacieli roŭna ŭ kabiniet, dzie śpikier rasijskaj Dziarždumy pierad hetym razmaŭlaŭ z Pušylinym
U momant abstrełu Daniecka ŭčora ŭ horadzie znachodziŭsia staršynia Dziarždumy Rasii Viačasłaŭ Vałodzin. Jaho evakujavali z budynka za niekalki chvilin da ŭdaru.
Viačasłaŭ Vałodzin. Fota Dziarždumy Rasii
Pra heta paviedamlaje «Kommiersant» sa spasyłkaj na svaje krynicy.
Pavodle infarmacyi vydańnia, rakieta trapiła ŭ kabiniet u budynku administracyi «DNR», ź jakoha niadaŭna vyvieli delehacyju Dumy na čale z Vałodzinym. Raniej tam adbyłasia ich sustreča z kiraŭnikom «DNR» Dzianisam Pušylinym.
Adzin z surazmoŭcaŭ vydańnia ŭdakładniŭ, što čynoŭnikaŭ vyrašyli evakujavać z budynka, kali stała viadoma ab pačatku abstrełu. U vyniku adzin snarad trapiŭ u kabiniet Pušylina, a druhi — u zału pasiadžeńniaŭ. Taksama paciarpieli fasad doma, častkova razburylisia pravaje kryło i vierchni pavierch. Paśla ataki ŭ administracyi adbyŭsia pažar.
Da napadu Rasii ŭ lutym 2022 hoda ŭkrainskija vojski abmiažoŭvalisia padaŭleńniem ahniu rasijskich siłaŭ uzdoŭž linii frontu. U apošnija miesiacy jany pačali nanosić vysokadakładnyja ŭdary pa składach i kamandnych centrach u hłybini akupavanaj terytoryi.