Ukraina atrymaje amierykanskaj zbroi jašče na $3 miljardy
Prezident ZŠA Džo Bajden pavinšavaŭ Ukrainu z Dniom niezaležnaści i zajaviŭ, što kraina atrymaje zbroi i vajskovaha abstalavańnia jašče na 3 młrd dalaraŭ. Heta samy vialiki tranš amierykanskaj dapamohi, adpraŭleny Vašynhtonam za čas vajny.
«Heta dazvolić Ukrainie atrymać sistemy supraćpavietranaj abarony, artyleryjskija sistemy i bojeprypasy, bieśpiłotnyja avijacyjnyja kompleksy i radary, kab zabiaśpiečyć praciah abarony ŭ doŭhaterminovaj pierśpiektyvie», — skazana ŭ zajavie Bajdena.
Kiraŭnik Biełaha doma adznačyŭ, što hety Dzień niezaležnaści budzie horkim dla mnohich ukraincaŭ, pakolki tysiačy ludziej zabityja ci paranienyja, miljony byli vymušanyja pakinuć svaje damy, a niekatoryja stali achviarami «rasijskich źvierstvaŭ i napadaŭ».
«Ale šeść miesiacaŭ pastajannych napadaŭ tolki ŭmacavali honar ukraincaŭ za siabie, za svaju krainu, za 31 hod niezaležnaści. Siońnia i kožny dzień my staim plačom da plača z ukrainskim narodam, kab hołasna zajavić: ciemra, jakaja ruchaje aŭtakratyjaj, nie paraŭnajecca z połymiem svabody, što aśviatlaje dušy svabodnych ludziej pa ŭsim śviecie».
U sieradu ZŠA taksama vydzielili Ukrainie 3 młrd dalaraŭ biudžetnaj dapamohi, jakija nakiroŭvajucca ŭ ramkach biezzvarotnaha hranta praź miechanizm Suśvietnaha banka.