Hienprakuratura zaviała kryminalnyja spravy za «admaŭleńnie hienacydu biełaruskaha naroda» ŭ dvuch ŚMI
Hienieralnaja prakuratura zaviała kryminalnuju spravu «pa fakcie raspaŭsiudžvańnia hrupaj nieŭstanoŭlenych asob na internet-resursach «Fłahštok» i «Zierkało» infarmacyi ab admaŭleńni hienacydu biełaruskaha naroda.
Dziejańni kvalifikavanyja pavodle č. 1 art. 130-2 Kryminalnaha kodeksa Respubliki Biełaruś. Dla praviadzieńnia papiaredniaha rasśledavańnia kryminalnaja sprava nakiravanaja ŭ Śledčy kamitet.
«Fłahštok» prakamientavaŭ navinu takim čynam:
«Na našym resursie nieadnarazova paŭstavała tema raskopak u Ščokataŭskim lesie, jakija z 2021 hoda pravodzić prakuratura. U našych materyjałach my paviedamlali, što raniej u hetym lesie pravodzilisia masavyja rasstreły savieckich hramadzian NKVD.
Zaviadzieńnie kryminalnaj spravy rušyła ŭśled za publikacyjaj «Fłahštoka», dzie była pryviedziena schiema z budaŭničaj dakumientacyi ŭschodniaha abychodu ŭ Homieli z raźmiaščeńniem pachavańniaŭ u Ščokataŭskim lesie. Ciapier heta schiema vydalenaja z sajta Homielskaha UKB».