Futbolnamu zaŭziataru dali štraf za toje, što jon nie ŭstaŭ padčas himna
Jak paviedamlaje telehram-kanał MAYDAY TEAM, sud Leninskaha rajona Hrodna aštrafavaŭ na 15 bazavych vieličyń namieśnika dyrektara adnaho ź biełaruskich pradpryjemstvaŭ za «niepavahu da dziaržsimvałaŭ Biełarusi».
Vypadak, za jaki čałavieka sudzili, zdaryŭsia jašče paru miesiacaŭ tamu. 25 červienia ŭ Hrodnie ŭ ramkach rehularnaha čempijanatu Biełarusi pa futbole adbyŭsia matč pamiž miascovym «Niomanam» i barysaŭskim BATE. Kali pierad hulnioj zajhraŭ dziaržaŭny himn Respubliki Biełaruś, adzin z zaŭziataraŭ, jak miarkujecca, pryjezdžaj kamandy zastaŭsia siadzieć na miescy.
Heta stała pryčynaj dla administracyjnaha pieraśledu: na mužčynu skłali pratakoł pa art. 24.54 KaAP RB (niezakonnyja dziejańni ŭ dačynieńni da dziaržaŭnych simvałaŭ Respubliki Biełaruś).
Pavodle banka sudovych pastanoŭ, zaŭziatara pakarali štrafam u 480 rubloŭ.