Pryznanyja palitviaźniami jašče 5 čałaviek, u tym liku «rejkavyja partyzany»
Pravaabaroncy aficyjna pryznali siońnia palitviaźniami jašče 5 čałaviek. Takim čynam, ahulnaja kolkaść takich ludziej u Biełarusi dasiahnuła 1311.
Siońnia pryznanyja palitviaźniami Kanstancin Jermałovič, Vital Minkievič, Ihar Kazłoŭ, Pavieł Nikicienka i Siarhiej Kirykovič.
Hetyja ludzi atrymali vialikija terminy (ad 4,5 da 16 hadoŭ) pa abvinavačańniach u «teraryźmie» i šerahu inšych artykułaŭ KK. Sudy nad imi byli zakrytyja. Jermałovič, Minkievič i Kazłoŭ — «rejkavyja partyzany» z Babrujska.
Aceńvajučy ŭsie hetyja vypadki kryminalnaha pieraśledu, pravaabaroncy pryjšli da vysnovy pra «isnavańnie ŭ kožnym ź ich palityčnaha matyvu pieraśledu abvinavačanych. Sudovyja rašeńni pryniatyja z palityčnych matyvaŭ u parušeńnie asnovatvornych pryncypaŭ spraviadlivaha pravasudździa».