Udavu Andreja Zielcera pieraviali z «Vaładarki» ŭ «Navinki»
Stała viadoma, što ŭdavu zahinułaha ŭ pierastrełcy z supracoŭnikam KDB ajcišnika Andreja Zielcera Maryju Uśpienskuju pa pastanovie suda pieraviali ź SIZA-1 u RNPC psichičnaha zdaroŭja, piša «Viasna».
16 červienia palitźniavolenaj prysudzili prymusovaje lačeńnie ŭ psichijatryčnym stacyjanary. Jaje abvinavacili ŭ saŭdziele ŭ zabojstvie supracoŭnika KDB Dźmitryja Fiedasiuka pa art. 16 i č. 2 art. 139 Kryminalnaha kodeksa.
Sudzili Maryju jak «asobu, jakaja ździejśniła hramadska niebiaśpiečnaje dziejańnie», tamu na sudzie intaresy žančyny pradstaŭlała jaje maci. Akramia taho, sud spahnaŭ materyjalnuju kampiensacyju «maralnaj škody ŭ pamiery 100 tysiač rubloŭ na karyść paciarpiełaj» — žonki zabitaha Dźmitryja Fiedasiuka.