USU ŭdarami pa Darjeŭskim moście na Chiersonščynie vyvieli jaho sa stroju
Uzbrojenyja Siły Ukrainy patrapili ŭ Darjeŭski most praz raku Inhulec na Chiersonščynie, u vyniku čaho jaho ekspłuatacyja była spynienaja. Pra heta aficyjna paviedamiła apieratyŭnaje kamandavańnie «Poŭdzień».
Darjeŭski most. Fota ilustracyjnaje
«Rakietna-artyleryjskimi padraździaleńniami praciahnuta vykanańnie ahniavych zadač, u tym liku pa zabieśpiačeńni kantrolu nad Darjeŭskim mostam. Jahonaja ekspłuatacyja pakul spynienaja», — paviedamili vajskoŭcy.
Raniej 26 žniŭnia prahrymieli vybuchi ŭ akupavanym Chiersonie. Rasijanie zajavili, što heta pracuje SPA, ale miascovyja telehram-kanały publikujuć videa novych udaraŭ pa stratehična važnym Antonaŭskim moście.