Vośmy pakiet sankcyj JeC suprać RF moža ŭklučać enierhietyku, handal i novyja adklučeńni ad SWIFT
Fota: AP
Vośmy pakiet sankcyj JeC suprać RF moža ŭklučać enierhietyku, handal i novyja adklučeńni ad SWIFT. Takija prapanovy vysunutyja Estonijaj, paviedamiŭ ministr zamiežnych spraŭ hetaj krainy Urmas Rejnsału ŭ intervju Die Welt.
«My ŭžo pradstavili Kamisii kankretnyja prapanovy z hetaj nahody. Havorka idzie ab enierhietycy, handli, dalejšych abmiežavańniach sistemy SWIFT i ŭklučeńni ŭ sankcyjny śpis jašče bolšaj kolkaści ludziej i ŭstanoŭ. Papiarednija sankcyi pracujuć, ale ich niedastatkova. Da zimy treba jašče padniać canu dla Rasii, kab hetaja vajna chutčej skončyłasia», — skazaŭ jon.
30-31 žniŭnia pavinna adbycca sustreča ministraŭ zamiežnych spraŭ krain JeC. Siarod inšaha budzie abmierkavanaje abmiežavańnie na vydaču šenhienskich viz rasijanam.