FSB zajaviła, što vyznačyła jašče adnaho ŭdzielnika zabojstva Darji Duhinaj
Jak śćviardžajuć u Centry hramadskich suviaziaŭ śpiecsłužby, ukrainiec Bahdan Cyhanienka prybyŭ u Rasiju tranzitam praz Estoniju 30 lipienia i pakinuŭ krainu za dzień da zabojstva Duhinaj.
Pavodle viersii FSB, Cyhanienka «zabiaśpiečyŭ [mierkavanuju vykanaŭcu zabojstva] Natallu Voŭk padroblenymi aŭtamabilnymi numarami i dakumientami na imia realna isnujučaj hramadzianki Respubliki Kazachstan Julii Zajko».
Taksama jon nibyta dapamoh sabrać samarobnuju vybuchovuju pryładu ŭ arandavanym haražy na paŭdniovym zachadzie Maskvy.
Darja Duhina zahinuła 20 žniŭnia ŭ vyniku padryvu aŭtamabila pa darozie ź fiestyvalu «Tradycyja». Jana była dačkoj adnaho z hałoŭnych ideołahaŭ tak zvanaha «ruskaha śvietu» Alaksandra Duhina.