Raźviedka Brytanii: Šajhu trapiŭ u niałasku da Pucinu z-za adsutnaści prahresu ŭ vajnie
Brytanskaje Minabarony ŭ tradycyjnaj spravazdačy raskazała ab prablemach u ministra abarony RF Siarhieja Šajhu, jaki z-za adsutnaści pośpiechaŭ na poli boju apynuŭsia ŭ niałascy ŭ prezidenta Uładzimira Pucina.
U pryvatnaści, raźviedka zhadvaje niadaŭnija paviedamleńni niezaležnych rasijskich ŚMI, što z-za prablem, ź jakimi sutykajecca Rasija ŭ vajnie suprać Ukrainy, Šajhu ciapier adchileny ad rasijskaha kiraŭnictva, a apieratyŭnyja kamandujučyja naŭprost infarmujuć prezidenta Pucina pra chod vajny.
Jak śćviardžajuć u Minabarony Brytanii, rasijskija aficery i sałdaty, jakija majuć ułasny dośvied vajny, vierahodna, rehularna vyśmiejvajuć Šajhu za jaho nieefiektyŭnaje kiraŭnictva, bo prahres Rasii spyniŭsia.