Raźbiŭsia pjanym na mašynie i pakinuŭ pasažyra pamirać. Vinavataha daviałosia dźvie hadziny łavić
34-hadovy minčuk kiravaŭ na trasie Barysaŭ — Bierazino — Babrujsk u Asipovickim rajonie aŭtamašynaj Citroen kala 14.45 28 žniŭnia. Razam ź im u aŭtamabili znachodziŭsia 46-hadovy pasažyr, jaki i staŭ achviaraj niadbałaści.
Jak vyjaviła potym miedycynskaja ekśpiertyza, u kryvi kiroŭcy padčas ruchu było 1,4 pramile ałkaholu, paviedamlaje mogilev.media.
Trahiedyja adbyłasia na 106-m kiłamietry darohi. Kruhavy pavarot naleva apynuŭsia zanadta ciažkim dla pjanaha minčuka. Koły Citroen začapili pravuju ŭzbočynu, mašyna zhubiła kiravańnie i ŭdaryłasia ŭ prydarožnaje dreva.
Pasažyr byŭ jašče žyvy, kali kiroŭca vyrašyŭ pakinuć miesca zdareńnia. Paźniej 46-hadovy mužčyna pamior pa darozie ŭ balnicu.
Terminovyja apieratyŭna-vyšukovyja mierapryjemstvy dazvolili znajści vinavataha ŭ DTZ amal praź dźvie hadziny.