JEK choča abmiežavać canu na rasijski haz da €50 za MVt·h. Heta ŭ piać razoŭ tańniej, čym ciapier
Jeŭrakamisija prapanuje abmiežavać canu na haz z Rasii da 50 jeŭra za miehavat-hadzinu (kala $512 za tysiaču kubamietraŭ). Heta amal u 5 razoŭ tańniej, čym haz kaštavaŭ na biržy ŭ Jeŭropie ŭ aŭtorak (240 jeŭra za miehavat-hadzinu). Pra heta śviedčać dakumienty, atrymanyja Politico.
Adznačajecca, što taki krok byŭ by avanturaj, i JeC pavinien być hatovy nieadkładna admovicca ad rasijskaha hazu, kali Maskva adkaža na heta spynieńniem usich pastavak.
Prapanovy Jeŭrakamisii taksama ŭklučajuć u siabie kamandna-kantrolnaje raźmierkavańnie hazu siarod krain u vypadku nadzvyčajnych situacyj.
Ciapier cana na haz dla jeŭrapiejskaha rynku składaje kala 213 jeŭra za miehavat-hadzinu (2180 dalaraŭ za 1000 kubamietraŭ). Hod tamu jana była kala 29 jeŭra, a dva hady tamu — kala 15 jeŭra.
Jana pačała prykmietna raści vosieńniu minułaha hoda, dasiahnuŭšy maksimumu — kala 345 jeŭra — nieŭzabavie paśla ŭvarvańnia rasijskich vojskaŭ va Ukrainu.