Brytanskaja raźviedka: Rasii davodzicca vybirać, nastupać na ŭschodzie abo abaraniacca na poŭdni
Za apošnija sutki ciažkija bai išli na troch frantach: na poŭnačy pad Charkavam, na ŭschodzie ŭ Danbasie i na poŭdni ŭ Chiersonskaj vobłaści, kanstatuje brytanskaja vajennaja raźviedka ŭ svaim štodzionnym pres-relizie.
Chutčej za ŭsio, rasijskaje vojska płanuje nakiravać svaje asnoŭnyja namahańni na nastup na Bachmut na Danbasie. Ale kamandziry sutykajucca z dylemaj, adznačaje raźviedka: im davodzicca vybirać, abo razhortvać apieratyŭnyja reziervy dla padtrymki hetaha nastupu, abo abaraniacca ad nastupu Ukrainy na poŭdni.
Šmatlikija adnačasovyja pahrozy, raskidanyja na 500 km adna ad inšaj, pravierać zdolnaść Rasii kaardynavać apieratyŭny płan i pieraraźmiarkoŭvać resursy pamiž niekalkimi hrupoŭkami sił, śćviardžajuć brytancy.
Minabarony Brytanii adznačaje, što na pačatku vajny Rasija nie zmahła kaardynavać niekalki hrupovak sił adrazu, mienavita tamu vojska RF pakazała drennuju vynikovaść.