28-hadovaj dziaŭčynie dali siem hadoŭ kałonii za kamientaryi ŭ telehramie i ŭdzieł u pratestach
5 vieraśnia ŭ Hrodzienskim abłasnym sudzie razhledzieli kryminalnuju spravu Maryny Sankievič. 28-hadovaja ŭradženka Starych Daroh była zatrymanaja 24 lutaha ŭ Hrodnie.
Viadoma, što padstavaj dla zaviadzieńnia kryminalnaj spravy stali kamientaryi ŭ niekalkich «zabaronienych» telehram-kanałach.
U vyniku ŭ vinu dziaŭčynie pastavili čatyry artykuły Kryminalnaha kodeksa:
— 342 č. 1 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
— 368 č. 1 (abraza Alaksandra Łukašenki).
— 293 č. 1 (masavyja biesparadki).
— 130 č. 1 (raspalvańnie rasavaj, nacyjanalnaj, relihijnaj albo inšaj sacyjalnaj varožaści).
Sudździa Dźmitryj Bubienčyk prysudziŭ siem hadoŭ kałonii.