Rasijskich turystaŭ buduć vazić pa Biełarusi ciepłachodam
Na fonie zabarony rasijanam ujezdu ŭ krainy Jeŭrasajuza rasijskija turapieratary abviaścili ab prodažy vodnych kruizaŭ pa Biełarusi, paviedamlaje Flagshtok. Tury realizujucca na viasnu-leta 2023 hoda.
Klijentaŭ płanujecca vazić na ciepłachodzie «Biełaja Ruś» pa troch maršrutach: Brest — Mazyr, Mazyr — Brest i Brest — Brest. Abiacajuć źnižanyja taryfy.
Naprykład, adzin z maršrutaŭ praduhledžvaje pieramiaščeńnie pa rekach Prypiać, Pina, Muchaviec z Mazyra da Bresta z naviedvańniem Naroŭli, Turava, Pinska, Kobryna. 8 dzion kruizu z charčavańniem i ekskursijami abyducca ŭ 40 tys. rasijskich rubloŭ z čałavieka — pa ciapierašnim kursie heta bolš za 650 dalaraŭ.