Čarnahoryja źbirajecca ŭvieści vizavy režym dla rasijan
U MZS Čarnahoryi ličać, što ich kraina, choć i nie źjaŭlajecca členam Jeŭrasajuza, pavinna va ŭsim być na jaho baku, i zaklikajuć uvieści vizy dla rasijan. Pra heta, jak paviedamlaje čarnahorskaje vydańnie Dan, zajaviŭ ministr zamiežnych spraŭ krainy Ranka Kryvakapič.
Taksama ŭ MZS Čarnahoryi ličać, što kraina pavinna padtrymać ES i pa pytańni prypynieńnia dziejańnia pahadnieńnia ab spraščeńni vizavaha režymu z Rasijaj, jakoje ŭstupaje ŭ siłu z 12 vieraśnia. Ciapier hramadzianie RF mohuć ujazdžać u Čarnahoryju bieź vizy, prosta pa zamiežnym pašparcie, i znachodzicca na terytoryi krainy da 30 dzion.
Biełarusam dla turystyčnych pajezdak u Čarnahoryju na termin nie bolš za 30 dzion viza pakul taksama nie patrebnaja.
U inicyjatyvy MZS jość i krytyki: žychary kurortnaj Čarnahoryi aścierahajucca surjoznaha źmianšeńnia patoku rasijskich turystaŭ. Tolki ŭ 2022 hodzie ŭ Čarnahoryju zajechali bolš za 48 tys. hramadzian Rasii.
U sakaviku Čarnahoryja dałučyłasia da sankcyj Jeŭrasajuza suprać Rasii, jakaja, u svaju čarhu, uniesła jaje ŭ śpis «niedružalubnych» krain.