U Čašnikach mastaka pakarali za patryjatyčnyja nadpisy na trubapravodzie i harmacie
23-hadovaha Ściapana Chadatoviča z Novałukomla abvinavacili ŭ tym, što ŭ sakaviku hetaha hoda jon «zrabiŭ ekstremisckija nadpisy na trubapravodzie Łukomskaj HRES», a jašče praz dva miesiacy «nanios na pavierchniu artyleryjskaj harmaty, ustalavanaj na terytoryi vajskovaha pachavańnia ŭ vioscy Staryja Łaŭki Čašnickaha rajona, vyjavy bieła-čyrvona-biełaha i sinie-žoŭtaha ściahoŭ», piša «Viasna».
Ściapan Chadatovič padčas pracy ŭ Čašnickim Domie ramiostvaŭ
26 žniŭnia sudździa suda Čašnickaha rajona Taćciana Zaruba asudziła chłopca pavodle art. 341 Kryminalnaha kodeksa (apahańvańnie zbudavańniaŭ i psavańnie majomaści) da 2,5 hadoŭ «chimii».
Ściapan Chadatovič — vypusknik minskaj himnazii-kaledža mastactvaŭ imia Achremčyka. Paśla jaho zakančeńnia Ściapan uładkavaŭsia ŭ Čašnicki Dom ramiostvaŭ, kab kiravać hurtkom «Suvienir» pa rośpisie cahlanych vyrabaŭ.
Na čas zatrymańnia jon pracavaŭ mastakom-afarmicielem Navałukomskaj HRES.