Na Chiersonščynie USU vyzvalili piać nasielenych punktaŭ
Pavodle zajavy kiraŭnicy abjadnanaha kaardynacyjnaha pres-centra Siłaŭ abarony poŭdnia Ukrainy Natalli Humianiuk, u Chiersonskaj vobłaści vyzvalenyja 5 nasielenych punktaŭ: Vysakapolle, Novaŭźniasienskaje, Biełahorka, Suchi Stavok i Miralubaŭka. Usie jany całkam pad kantrolem ukrainskich vajskoŭcaŭ.
Akramia taho, pa źviestkach Humianiuk, za dva tydni na poŭdni Ukrainy byli źniščanyja bolš za 1800 rasijskich akupantaŭ. Vyzvalenaja terytoryja ahulnaj płoščaj amal 500 kvadratnych kiłamietraŭ.
U vyzvaleńni Chiersonščyny ŭdzielničajuć i biełaruskija dobraachvotniki, jakija ŭčora paviedamili pra zaniaćcie imi stratehična važnaj vyšyni.