Biełaruskaja čyhunka anansavała, što ciahnikoŭ budzie bolš i jany buduć lepšyja
Biełaruskaja čyhunka paviedamiła ab zapusku z 19 vieraśnia abnoŭlenych chutkasnych ciahnikoŭ dla palapšeńnia jakaści absłuhoŭvańnia pasažyraŭ.
Ciahnik mižrehijanalnych linij №735/736 Minsk — Brest — Minsk budzie absłuhoŭvacca novymi chutkasnymi elektraciahnikami EPM u piacivahonnym vykanańni.
Z taho ž dnia ŭ ciahniku rehijanalnych linij biznes-kłasa № 875/876 Minsk — Kalinkavičy — Minsk stanie bolš pasadačnych miescaŭ — da jaho dadaduć dadatkovy vahon.
Na ŭčastku Minsk — Homiel BČ abiacaje pavialičyć pieryjadyčnaść dla šerahu ciahnikoŭ mižrehijanalnych linij biznes-kłasa. Naprykład, ciahnik № 752 Minsk — Homiel ciapier budzie chadzić šeść dzion na tydzień (akramia suboty), ciahnik №755 Homiel — Minsk — pa ŭsich dniach tydnia, akramia niadzieli, a ciahnik № 751 Homiel — Minsk budzie kursiravać pa piatnicach i niadzielach.