Zatrymanych na vyzvalenaj Charkaŭščynie rasijskich nastaŭnikaŭ buduć sudzić
Vice-premjerka Ukrainy Iryna Vieraščuk paviedamiła, što niekatorych nastaŭnikaŭ z Rasii, jakija pryjechali vučyć dziaciej pa rasijskaj prahramie na akupavanych ukrainskich terytoryjach, zatrymali i ciapier buduć sudzić pa artykule ab parušeńni zakonaŭ i zvyčajaŭ vajny.
Iryna Vieraščuk
«Jany ździejśnili złačynstva suprać našaj dziaržavy. My šmat razoŭ papiaredžvali rasijskich hramadzian, jakija pahadzilisia pryjechać na terytoryju Ukrainy i ažyćciaŭlać tut zabaronienuju zakonam dziejnaść», — skazała Vieraščuk.
Taksama vice-premjerka dadała, što razhladać nastaŭnikaŭ jak vajennapałonnych nie buduć, pakolki jany nie kambatanty — heta značyć, nie ŭdzielniki vajennych dziejańniaŭ. Adpaviedna, jany i nie patrapiać u śpisy na abmien vajennapałonnymi.
A pahražaje im za tyja dziejańni, jakija staviacca ŭ vinu, da 12 hadoŭ źniavoleńnia.
Pojduć pad sud i ŭkrainskija piedahohi, jakija pahadzilisia vykładać pa rasijskaj prahramie, śćviardžaje Vieraščuk. Jany buduć prachodzić pa artykule ab kałabaracyjnaj dziejnaści (da 15 hadoŭ pazbaŭleńnia voli).