U Baranavičach adčyniajecca katalicki kaledž
3 kastryčnika adčyniajecca katalicki katechietyčny kaledž imia Zyhmunta Łazinskaha u Baranavičach (Pinskaja dyjacezija).Navučalnaja ŭstanova prymie 54 studentaŭ: 26 ź Pinskaj dyjacezii, 20 ź Minska-Mahiloŭskaj archidyjacezii, 7 ź Viciebskaj dyjacezii i adnaho z Hrodzienskaj.
Termin navučańnia ŭ kaledžy składaje try hady. U płanie zaniatkaŭ takija pradmiety jak teałohija, fiłasofija, sacyjałohija, psichałohija. Zaniatki buduć prachodzić z kastryčnika pa červień uklučna. Forma navučańnia — zavočnaja. Studenty buduć pryjazdžać na zaniatki raz na dva tydni ŭ vychadnyja. Płanujecca, što z nastupnaha hoda budzie ŭviedziena dystancyjnaja forma navučańnia.
Vypuskniki kaledžu buduć atrymlivać dypłomy dziaržaŭnaha ŭzoru, u jakich budzie paznačana śpiecyjalnaść «vykładčyk katechizisu».Pa słovach ks. Andreja Ryłki, maderatara navučalnaha pracesu, u vypadku ŭviadzieńnia ŭ dziaržaŭnyja navučalnyja ŭstanovy pradmietaŭ relihijna-duchoŭnaha napramku, vypuskniki kaledža zmohuć ich vykładać.
Bolšaść vykładčykaŭ — vykładčyki MVDS u Pinsku, a taksama śviatary i śvieckija.