Pravasłaŭnaja carkva nie padzialaje staŭleńnie BT da Chryścijanskaj Demakratyi
Pradstaŭnik Biełaruskaj pravasłaŭnaj carkvy pa suviaziach sa ŚMI nazvaŭ film pra BCHD «zakaznym palityčnym materyjałam, jaki vyklikaŭ u jepiskapacie vielmi niehatyŭnuju reakcyju».
Pradstaŭnik Biełaruskaj pravasłaŭnaj carkvy pa suviaziach sa ŚMI nazvaŭ film pra BCHD «zakaznym palityčnym materyjałam, jaki vyklikaŭ u jepiskapacie vielmi niehatyŭnuju reakcyju».
Aficyjny pradstaŭnik Biełaruskaj pravasłaŭnaj carkvy prakamientavaŭ pres‑słužbie arhkamitetu pa stvareńni partyi Biełaruskaja Chryścijanskaja Demakratyja vykazvańni niekatorych pradstaŭnikoŭ Carkvy ŭ adras BCHD. Jany prahučali ŭ materyjale Biełaruskaha telebačańnia, pakazanym pierad vizitam patryjarcha Kiryła ŭ Biełaruś.
Archimandryt Alaksiej u hutarcy z pres‑słužbaj BCHD adznačyŭ, što «hety zakazny palityčny materyjał, tym bolš, pakazany padčas vizitu ŭ našu krainu patryjarcha Kiryła, vyklikaŭ u jepiskapacie vielmi niehatyŭnuju reakcyju».
Archimandryt Aleksij taksama adznačyŭ, što
Carkva «ni ŭ jakim vypadku nie vystupaje suprać chryścijanska‑palityčnych partyj i ruchaŭ, a naadvarot, vitaje dziejnaść padobnych i inšych palityčnych arhanizacyj, kali ich kancepcyja nie supiarečyć chryścijanskaj marali i chryścijanskich kaštoŭnaściaŭ».
U siužecie, pakazanym pa BT, vykazvaŭsia zahadčyk jurydyčnaj słužbaj Minskaha jeparchijalnaha ŭpraŭleńnia Biełaruskaha ekzarchatu Andrej Aleška, a taksama protadyjakan Andrej Kurajeŭ, kliryk Maskoŭskaj jeparchii. Pavodle archimandryta Alaksieja,
spadar Aleška vykazvaŭ svajo asabistaje mierkavańnie ab BCHD, jakoje supiarečyć navat aficyjnamu carkoŭnamu dakumientu «Asnovam sacyjalnaj kancepcyi Ruskaj pravasłaŭnaj carkvy».
A Andrej Kurajeŭ ŭvohule nie mieŭ prava vykazvacca ab palityčnaj i sacyjalnaj situacyi ŭ Biełarusi, tak jak źjaŭlaŭsia tolki hościem biełaruskaha Ekzarchata. «My b nie chacieli, kab pryvatnyja dumki stali pačatkam niehatyŭnych adnosin Biełaruskaj pravasłaŭnaj carkvy z chryścijanska‑palityčnymi ruchami. My znoŭ śviedčym, što Carkva, ažyćciaŭlajučy svajo słužeńnie ŭ biełaruskim hramadstvie, słužyć vyklučna dla stvareńnia miru i zhody ŭ našym narodzie i carkoŭnym asiarodździ», — adznačyŭ pradstaŭnik Biełaruskaj pravasłaŭnaj carkvy.