Papa Francišak zaklikaŭ carkoŭnikaŭ vydalić z telefonaŭ parnahrafiju
Papa Rymski Francišak papiaredziŭ śviataroŭ i manašak pra niebiaśpieku, jakuju niasie prahlad parnahrafii ŭ internecie. Pra heta 86-hadovy Papa zajaviŭ u tvitary, adkazvajučy na pytańnie ab tym, jak lepš za ŭsio vykarystoŭvać ličbavyja i sacyjalnyja miedyja, paviedamlaje VVS.
Papa Francišak. Fota: AP Photo Alessandra Tarantino
Na dumku pantyfika, prahlad parnahrafii «asłablaje śviatarskaje serca». Parnahrafija, pa jaho słovach — «zahana, jakuju majuć vielmi šmat ludziej, navat śviatary i manaški».
«Djabał uvachodzić adtul. Čystaje serca, toje, jakoje Jezus prymaje kožny dzień, nie moža ŭsprymać hetuju parnahrafičnuju infarmacyju», — skazaŭ Papa śviataram i sieminarystam.
Jon paraiŭ im vydalić parnahrafičny kantent z telefonaŭ, kab nie mieć spakusy, bo Carkva razhladaje parnahrafiju jak złačynstva suprać cnoty.
Papa taksama paraiŭ śviataram karystacca sacyjalnymi sietkami, adnak nie nadavać im zanadta šmat času.