Zatrymanaha ŭ Narviehii syna byłoha kiraŭnika Rasijskaj čyhunki vyzvalili
Rasijski biznesmien Andrej Jakunin, syn byłoha kiraŭnika Rasijskaj čyhunki Uładzimira Jakunina, jakoha niadaŭna zatrymali za parušeńnie antyrasijskich sankcyj, vyzvaleny z-pad varty, piša vydańnie NRK.
Andrej Jakunin
Andrej Jakunin byŭ zatrymany ŭ horadzie Chamierfeście ŭ suviazi z zapuskam bieśpiłotnika na archipiełahu Špicbierhien, u jaho byli kanfiskavanyja dron i elektronnyja pryłady.
Spačatku sud pryniaŭ rašeńnie zatrymać rasijanina na 2 tydni. Adnak apielacyjny sud u vyniku paličyŭ, što dron nie źjaŭlajecca latajučym aparatam, na jaki raspaŭsiudžvajucca antyrasijskija sankcyi. Da taho ž Jakunin, aprača rasijskaha, maje i brytanski pašpart.
Praŭda, narviežskaja palicyja abskardziła rašeńnie ab vyzvaleńni syna byłoha rasijskaha top-čynoŭnika, blizkaha da Pucina.
U kastryčniku ŭ Narviehii adbyłasia sieryja zatrymańniaŭ rasijan pa padazreńni ŭ niezakonnym vykarystańni dronaŭ ci fatahrafavańni sakretnych abjektaŭ na poŭnačy Narviehii. Niekatorych ź ich užo vyzvalili.