Biełarusy varjaciejuć: za siem hadoŭ kolkaść chvorych vyrasła ŭdvaja
Takuju statystyku pryviała hałoŭny psichijatr Ministerstva achovy zdaroŭja Biełarusi Śviatłana Zanskaja.
Takuju statystyku pryviała hałoŭny psichijatr Ministerstva achovy zdaroŭja Biełarusi Śviatłana Zanskaja na pres-kanfierencyi, pryśviečanaj Suśvietnamu dniu psichičnaha zdaroŭja.
«Ad 2001 hoda ŭ Biełarusi adznačajecca rost pieršasnaha chvareńnia psichičnymi razładami, — paviedamiła jana. — Hety pakaźnik siarod darosłaha nasielnictva za apošnija siem hadoŭ vyras udvaja», — skazała jana.
Ahulnaja kolkaść pastaŭlenych na ŭlik jak chvorych psichičnymi razładami z 2003 hoda da 2008-ha ŭzrasło ad 220 tys. čałaviek da 260 tys. Psichičnyja i pavodzinnyja razłady nazirajucca ŭ 10% darosłych, a siarod naviednikaŭ daktaroŭ — až u 20% usich pacyjentaŭ.
Razam z tym, pačynajučy ad 2003 hoda ŭ krainie źlohku, ale paśladoŭna, źmianšajecca kolkaść suicydaŭ.