Budzie kino pra Hrunvald
Biudžet biełaruska-litoŭskaha filma składzie 6 młn dalaraŭ.
Biudžet biełaruska-litoŭskaha filma składzie 6 młn dalaraŭ.
Rychtujecca prajekt biełaruska-litoŭskaha mastackaha filma pra bitvu pad Hrunvaldam. Ab hetym 5 kastryčnika na pres-kanfierencyi zajaviŭ ministr kultury Biełarusi Pavieł Łatuška.
Ministr zaznačyŭ, što biudžet filma, prymierkavanaha da 600-hodździa znakamitaj bitvy, składzie 6 młn dalaraŭ, a scenar pavinien adlustroŭvać jak litoŭski, tak i biełaruski punkt hledžańnia na hetuju histaryčnuju padzieju.
Stvareńnie mastackaha filma — tolki adzin z mnohich prajektaŭ biełaruska-litoŭskaha kulturnaha supracoŭnictva. Damoŭlenaść ab takim supracoŭnictvie była dasiahnuta padčas sustrečy Paŭła Łatuški ź ministram kultury Litvy Rymihijusam Vilkajcisam. Jana adbyłasia 3 kastryčnika ŭ Biełaviežskaj puščy. Na sustrečy ministry taksama damovilisia stvaryć biełaruska-litoŭskuju ekśpiertnuju hrupu pa zachavańni supolnaj historyka-kulturnaj spadčyny.