U Kiemieraŭskaj vobłaści kantraktniki źbili mabilizavanych
U siecivie raspaŭsiudziłasia videa masavaj bojki pamiž mabilizavanymi i kantraktnikami ŭ vajskovaj čaści Kiemieraŭskaj vobłaści.
Pavodle źviestak ŚMI, pryčynaj stała toje, što kantraktniki na bazie 74-j asobnaj motastrałkovaj bryhady aburylisia «pavalnym pjanstvam» siarod mabilizavanych. Vajskoŭcy vyciahvali pjanych na plac i źbivali.
Heta nie pieršy vypadak masavaj bojki ŭ vajskovych čaściach paśla pačatku mabilizacyi. U pačatku kastryčnika taki vypadak adbyŭsia ŭ čaści Ałabina ŭ Padmaskoŭi. Tady, naadvarot, mabilizavanyja źbili kantraktnikaŭ. Pryčynaj bojki stała dziedaŭščyna: kantraktniki patrabavali ŭ novaprybyłych addać im ekipiroŭku i telefony.