U Hrodnie vajskoŭcy budujuć pantonnuju pierapravu
U Hrodnie vajskoŭcy pantonna-mastavoha bataljona 557-j inžyniernaj bryhady Zachodniaha apieratyŭnaha kamandavańnia naviaduć časovuju pantonna-mastavuju pierapravu praz raku Nioman, paviedamlaje Minabarony.
Fota: Minabarony
Takim čynam miascovyja orhany ŭłady zachacieli pravieści rekanstrukcyju aŭtamabilnaha mosta, zbudavanaha bolš za 50 hadoŭ tamu.
Z prośbaj u naviadzieńni časovaj pantonna-mastavoj pierapravy źviarnulisia da kiraŭnictva Ministerstva abarony. Vajennyja inžyniery ŭžo prystupili da praviadzieńnia rabot.
Pa słovach vajskoŭcaŭ, nieŭzabavie žychary Hrodna i Hrodzienskaha rajona ŭžo zmohuć skarystacca pierapravaj. Jaje asabista vyprabuje ministr abarony Viktar Chrenin. Jon źbirajecca pieršym pierajechać raku pa pantonnym moście razam z kiraŭnictvam rehijona.
Hłybinia Niomana ŭ hetym miescy składaje 2 m u centry, a ŭ inšych miescach u asnoŭnym 30-50 sm. Praciahłaść pierapravy składzie 112 mietraŭ. Jana budzie składacca z 15 račnych i dvuch bierahavych źvionaŭ.