Prakuror zaprasiła 2,5 hoda chatniaj chimii dla ekskursavoda Ihara Chmary
U sudzie Maskoŭskaha rajona Minska prakurorka zaprasiła 2,5 hoda «chatniaj chimii» dla ekskursavoda Ihara Chmary pa spravie ab hrubym parušeńni paradku (častka 1 artykuła 342 KK) za ŭdzieł u mitynhu 16 žniŭnia 2020 hoda, paviedamlaje «Miedyjazona».
U sudzie Chmara pryznaŭ vinu i skazaŭ, što raskajvajecca ŭ svaich dziejańniach i «źmianiŭ žyćciovyja pryjarytety». Na pasiadžeńni taksama paviedamili, što 8 žniŭnia Chmara napisaŭ jaŭku z pavinnaj «na padstavie fota ŭ instahramie» za 16 žniŭnia 2020 hoda.
Ekskursavoda zatrymali ŭ pačatku žniŭnia. Viečaram Chmara pravodziŭ ekskursiju pa Sierabrancy, a paviedamleńnie ab jaho zatrymańni źjaviłasia bližej da nočy. Heta była druhaja padobnaja ekskursija, zbor na jakuju jon abviaściŭ u svaich sacsietkach — udzieł byŭ biaspłatnym.