Twitter admoviŭsia rabić ptušku vieryfikacyi płatnaj: jaje pačali skupać fejkavyja akaŭnty
Niadaŭna Twitter anansavaŭ, što za błakitnuju ptušku vieryfikacyi treba budzie płacić 8 dalaraŭ na miesiac. Ale pakolki kolkaść padrobak, jakija vyrašyli skarystacca płatnaj pasłuhaj, vyrasła, rašeńnie admianili, piša Reuters.
Fejkavyja akaŭnty, što vydajuć siabie za bujnyja brendy, paśpieli źjavicca ŭ Tesla, SpaceX, Roblox, Nestle, Lockheed Martin.
«Kab zmahacca z padrobkaj, my dadali jarłyk «Aficyjny» da niekatorych akaŭntaŭ», — napisaŭ u piatnicu akaŭnt padtrymki Twitter.
Pradavać sinija ptuški źbiralisia, kab dapamahčy Twitter pavialičyć dachody, pakolki Mask zmahajecca za ŭtrymańnie rekłamadaŭcaŭ.
Paśla taho jak Mask nabyŭ Twitter za 44 miljardy dalaraŭ, u kampanii chaos. Mask zvolniŭ amal pałovu supracoŭnikaŭ Twitter, adchiliŭ radu dyrektaraŭ i staršych kiraŭnikoŭ i padniaŭ pytańnie ab bankructvie kampanii.