MZS Polščy: Rakiety, jakija ŭpali na terytoryju krainy, — dakładna rasijskaj vytvorčaści
Paśla vyśviatleńnia, što rakiety, jakija ŭpali na Polšču i zabili dvuch čałaviek, sapraŭdy rasijskija, polski ministr zamiežnych spraŭ Źbihnieŭ Raŭ vyklikaŭ rasijskaha ambasadara dla tłumačeńniaŭ.
Pierad tym, jak vyklikać rasijskaha pasła Siarhieja Andrejeva, Źbihnieŭ Raŭ pravioŭ telefonnyja razmovy ź dziaržsakratarom ZŠA Entani Blinkienam i ministarkaj zamiežnych spraŭ Hiermanii Analenaj Bierbak.
Pasoł Rasii ŭ Polščy Siarhiej Andrejeŭ
Polšča zaprasiła mižnarodnych ekśpiertaŭ dla rasśledavańnia padzieńnia rakiet na jaje terytoryju, zajaviŭ premjer Polščy Matevuš Maraviecki.
U toj ža čas pres-sakratar prezidenta Rasii Dźmitryj Piaskoŭ skazaŭ žurnalistam CNN, što ŭ jaho niama nijakaj infarmacyi ab vybuchu ŭ Polščy.
Prezident Polščy Andžej Duda ŭ svaim vystupleńni pierad žurnalistami zajaviŭ, što niama dakładnych dokazaŭ taho, chto vypuściŭ rakietu, jakaja ŭpała na ŭschodzie krainy.