«Pryvid opiery»-2. Chutka premjera
Kampazitar Enru Łłojd Vebier pastavić praciah znakamitaha miuzykła
Chvaroba sikvełaŭ dakaciłasia taksama da miuzykłaŭ: kampazitar Endru Łłojd Vebier paviedamiŭ, što praciah miuzykła «Pryvid opiery»/The Phanton of the Opera budzie pradstaŭleny ŭ Łondanie ŭ sakaviku 2010 hodu. Praciah nazyvaćmiecca «Kachańnie — nieŭmiručaje»/Love Never Dies.
«Zrazumieła, što hutarka idzie pra niezavieršanuju dla mianie pracu, — kaža Łojd Vebier, — i ja zusim nie raskajvajusia, što zrabiŭ praciah, i miarkuju, što jon budzie varty sam pa sabie. Tak ci inakš, ja vielmi ŭściešany vyniku». Vebier dadaŭ, što hałoŭnaja pryčyna taho, što jon zrabiŭ praciah, heta toje, što pieršaja častka zakančvajecca, kali maładaja śpiavačka Kryścin kidaje Zdań Opiery i złučajecca sercam ź jaho supiernikam, Raŭlem, a ŭ hledača zastajecca pačućcio niezadavolenaści. Pavodle słovaŭ Vebiera: «Kryścin sychodzić sa zvyčajnym nudnikam, a Pryvid dzieści źnikaje».
Akramia hetaha, šmat źviestak pra novy miuzykł, jaki budzie pastaŭleny taksama ŭ Ńju-Jorku ŭ listapadzie 2010 hodu jaho stvaralnikam pradstaŭlena nie było. Viadoma tolki, što padziei miuzykłu buduć razhortvacca 10 hadoŭ paśla vysłavionaha spaleńnia budynka opiery i što Pryvid vyratujecca, ale nie pierastanie kachać Kryścin.
Pieršaja častka «Pryvida Opiery» —samy paśpiachovy miuzykł u historyi Bradvieja, tvor, jaki pavodle hladackaj cikaŭnaści pieramoh jašče adzin miuzikł Vebiera, «Kotak»: «Pryvida» pabačyli bolš za 100 miljonaŭ čałaviek. Miuzykł byŭ pierakładzieny na 15 movaŭ śvietu i byŭ pradstaŭleny ŭ 25 krainach. Pavodle miuzykła ŭ 2004 hodzie yf 'rhfys vyjšła adnajmionnaja mastackaja stužka.