Rasijskaja prapahanda: Baćka Pucina zahinuŭ za 10 hadoŭ da naradžeńnia syna
Hałoŭny rasijski telekanał «pachavaŭ» baćku Pucina našmat raniej, čym toj moh paśpieć bijałahična stać baćkam budučaha prezidenta Rasii.
Raskazvajučy na Pieršym kanale pra kanfierencyju, pryśviečanuju achviaram nacyzmu, adzin z prapahandystaŭ zajaviŭ, što baćka Pucina zahinuŭ, abaraniajučy Leninhrad u hady Druhoj suśvietnaj vajny.
Miž tym, Uładzimir Pucin naradziŭsia ŭ 1952 hodzie, a bijahrafija jahonaha baćki, Uładzimira Śpirydonaviča Pucina, asablivaj tajamnicaj nie źjaŭlajecca. Jon pražyŭ da 88 hadoŭ i pamior 2 žniŭnia 1999 hoda, roŭna za tydzień da taho, jak jahony syn staŭ vykonvać abaviazki premjer-ministra Rasii i tym samym pačaŭ svoj imklivy šlach na samuju viaršyniu ŭłady ŭ hetaj krainie.
Zrešty, u hramadstvie, dzie padziei Druhoj suśvietnaj vajny ŭźviedzienyja ŭ kult, padobnyja śćviardžeńni nie dziŭnyja. Alaksandr Łukašenka, jaki naradziŭsia ŭ 1954 hodzie, adnojčy taksama sam skazaŭ, što jahony baćka nibyta zahinuŭ na vajnie. Ale pra jahonaha baćku, u adroźnieńnie ad pucinskaha, prynamsi ničoha tołkam nie viadoma.