Kanada pašyryła sankcyi suprać režymu Łukašenki
Ministerstva zamiežnych spraŭ Kanady nazvała biełaruskich fizičnych asob i pradpryjemstvy, jakija trapili pad novyja sankcyi, uviedzienyja ŭradam hetaj krainy za saŭdzieł u ahresii Rasii suprać Ukrainy. Sankcyi zakranuli 16 pradpryjemstvaŭ dy arhanizacyj, a taksama 22 fizičnyja asoby.
Siarod 16 padsankcyjnych arhanizacyj piać bankaŭ — Biełaruski narodny bank, Parytetbank, MTBank, Alfa-Bank, Bank raźvićcia Respubliki Biełaruś.
Taksama sankcyi ŭvodziacca ŭ dačynieńni da Biełaruskaj čyhunki, MZKC, «Vołataŭta», zavoda dakładnaj elektramiechaniki, AAT «AHAT — sistemy kiravańnia», AAT «AHAT-SISTEM», AAT «KB Radar», AAT «HKB «Pramień», TAA «Aktualnyja rašeńni biaśpieki», AAT «Aleŭkurp».
22 čałavieki, jakija ŭvajšli ŭ sankcyjny śpis fizičnych asob:
- Uładzisłaŭ Brujeŭ, načalnik Homielskaj pamiežnaj hrupy,
- Viktar Hulevič, načalnik Hienieralnaha štaba Uzbrojenych sił,
- Piatro Kiryčenka, staršynia Homielskaha harvykankama,
- Dźmitryj Hara, kiraŭnik Śledčaha kamiteta,
- Aleh Ejbataŭ, eks-načalnik Mazyrskaha pamiežnaha adździeła,
- Dźmitryj Vińnikaŭ, načalnik Pinskaha pamiežnaha adździeła,
- Alaksandr Paškievič, načalnik štaba v/č 65408 (aeradrom Łuniniec),
- Juryj Pyžyk, kamandzir 61-j źniščalnaj avijabazy,
- Andrej Łukjanovič, namieśnik načalnika VPS i vojskaŭ SPA — načalnik avijacyi,
- Alaksiej Lachnovič, pieršy namieśnik ministra transpartu i kamunikacyj,
- Alaksandr Łazicki, kamandzir v/č 65408 (aeradrom Łuniniec),
- Ihar Dziemidzienka, načalnik Zachodniaha apieracyjnaha kamandavańnia,
- Uładzimir Marozaŭ, kiraŭnik Biełaruskaj čyhunki,
- Natalla Kačanava, staršynia Savieta Respubliki,
- Mikałaj Rahaščuk, były pamočnik-inśpiektar u Homielskaj vobłaści,
- Vadzim Dzienisienka, načalnik sił śpiecyjalnych apieracyj,
- Andrej Niekraševič, načalnik hałoŭnaha ŭpraŭleńnia bajavoj padrychtoŭki US,
- Juryj Šulejka, staršynia Bresckaha abłvykankama,
- Ivan Krupko, staršynia Homielskaha abłvykankama,
- Aleh Biełakonieŭ, eks-kiraŭnik Hienieralnaha štaba, staršynia Pastajannaj kamisii nacyjanalnaj biaśpieki Pałaty pradstaŭnikoŭ,
- Uładzimir Andrejčanka, staršynia Pałaty pradstaŭnikoŭ,
- Uładzimir Kupryjaniuk, načalnik štaba — pieršy namieśnik načalnika vojskaŭ Zachodniaha apieracyjnaha kamandavańnia.