Padvodnaje pasiedžańnie ŭradu na Maldyvach
Jak źviarnuć uvahu ŭsiaho śvietu na prablemy hłabalnaha paciapleńnia i pavyšeńnie ŭzroŭnia suśvietnaha akijanu? Na Maldyŭskich vyspach, samaj nizkaŭ adnosna ŭzroŭniu mora dziaržavie, znajšli admietny šlach: tam majuć naładzić pakazalnaje padvodnaje pasiedžańnie ŭradu.
Užo kolki tydniaŭ 14 ministraŭ hetaj astraŭnoj dziaržavy ŭ Indyjskim akijanie, biaruć zaniatki dajvinha (davańnia nyrca) i vučać niamuju movu nyrcoŭ pierad admietnym pasiedžańniem uradu, jakaja adbudziecca praz tydzień nižej za ŭzrovień mora.
Pryzident Maldyvaŭ Muchamad Našyd prapanavaŭ advieści vysokich uradoŭcaŭ na adlehłaść kolki kiłamietraŭ ad bierahoŭ stalicy Male, spuścicca na 6 mietraŭ pad vodu i tam zładzić naradu. «Naša ideja — prykuć uvahu suśvietnaj hramadskaści da prablemaŭ hłabalnaha paciapleńnia i nahadać usim, nakolki prykrymi mohuć być jaho nastupstvy», — skazaŭ maldyŭski prezident.
Minuŭ jaki hod, jak Muchamad Našyd, što maje paśviedčańnie prafiesijnaha nyrca, uziaŭ pasadu prezidenta: za hety karotki čas jon zrabiŭsia ci nie samym hučnym hołasam u suśvietnaj palitycy ŭ spravie zmahańnia z hłabalnym paciapleńniem. Dla Maldyvaŭ pavyšeńnie ŭzroŭniu akijana – prablema žyćcia i śmierci: u krainie navat raspačataja prahrama subsidavańnia novych ziemlaŭ dla maldyŭcaŭ, na vypadak, kali ich vyspy źniknuć z abličča Ziamli.
Padčas pasiedžańnia ministry płanujuć padpisać zaklik da ŭsich inšych dziaržavaŭ skaracić užyvańnie vuhlekisłaha haza. Zvarot maldyŭcaŭ prytyrnavany da kamisii AAN pa achovie asiarodździa, jakaja adbudziecca ŭ Kapienhahienu ŭ śniežni 2009 dy na jakoj płanujecca padpisać novy, bolš žorstki, ekałahičny pratakoł, jaki zamianić stary, Kijocki.
Pasiedžańnie pad vadoj maje iści spraŭnym šlacham, aby tolki nie adviedali jaho chižyja akuły piara!
Maldyŭskija vyspy |