Staršyniom «Moładzi BNF» abrany Andrej Krečka
Na pasadu staršyni moładzievaj arhanizacyi Partyi BNF «Moładź BNF», źjezd jakoj prajšoŭ 10 kastryčnika ŭ Minsku, pretendavali Andrej Krečka i Alaksandra Klimovič.
Udzieł u źjeździe ŭziali 64 delehaty.
Vystupajučy pierad delehatami, Krečka nazvaŭ hałoŭnym punktam jaho prapanoŭ nakont dziejnaści arhanizacyi — uzmacnieńnie rehijanalnaj pracy.«Ciapier atrymlivajecca tak, što rehijony zastalisia sami pa sabie, a Minsk — sam pa sabie. Adzinaja pryčyna, čamu «Moładź BNF» jašče nie straciła svaje rehijanalnyja struktury, — heta praca adnaho ź ciapierašnich namieśnikaŭ staršyni Antona Kalinoŭskaha», — zajaviŭ jon.
«Kali ja stanu staršyniom arhanizacyi, to asnoŭny ŭpor majoj pracy budzie zrobleny na budučyja vybarčyja kampanii. Ja liču, što my pavinny pracavać u ščylnaj źviazcy padčas vybaraŭ z Partyjaj BNF. Ja budu zmahacca za toje, kab kandydataŭ ad Partyi BNF na miascovych vybarach i taho kandydata na prezidenckich vybarach, jakoha padtrymaje Partyja BNF, aktyŭna padtrymlivali i maładyja členy našaj arhanizacyi», — zajaviŭ budučy staršynia.
***
Andrej Krečka naradziŭsia ŭ 1987 u Minsku, pracavaŭ u infarmacyjna-vyličalnym centry Ministerstva finansaŭ sistemnym administrataram. Skončyŭ 9 kłasaŭ politechničnaj himnazii, radyjotechničny kaledž. Ciapier vučycca na 4-m kursie BDUIR na zavočnym adździaleńni. Byŭ zvolnieny z pracy z-za ŭdziełu ŭ masavych akcyjach apazicyi.