Biełaruś – Kazachstan – 4:0
Ukraina – Anhlija – 1:0
na 99,99% našyja paŭdniovyja susiedzi - u plej-of, Charvatyja zajmaje treciaje miesca.
Nacyjanalnaja zbornaja Biełarusi pa futbole pieramahła zbornuju Kazachstana ŭ pieradapošnim tury adboračnaha turniru čempijanatu śvietu – 2010 ź likam 4:0.
Matč prajšoŭ 10 kastryčnika (subota) u Breście.
Zbornaja Biełarusi vystupała ŭ nastupnym składzie:
Žaŭnoŭ, Vierchaŭcoŭ, Sasnoŭski, Šytaŭ, Jurevič, Kałačoŭ, Bardačoŭ (Kryviec, 83), Kulčy (Radzivonaŭ, 89), Amieljančuk, Kutuzaŭ (Koviel, 73), Karnilenka.
Na 22-j chvilinie lik adkryŭ Maksim Bardačoŭ z BATE (heta jaho pieršy miač), na 69-j chvilinie hoł-pryhažun udaram u dziaviatku zabiŭ Cimafiej Kałačoŭ («Krylja Savietaŭ»), na 87-j svoj hoł zabiŭ Leanid Koviel («Saturn», Ramienskaje), na apošniaj chvilinie svoj dubl aformiŭ Kałačoŭ.
4:0
Darečy, Kałačoŭ zabiŭ Kazachstanu 1 krasavika ŭ Ałmacie dva miačy, tady biełarusy vyjhrali ź likam 5:1.
Kałačoŭ – najlepšy bambardzir našaj zbornaj u hetym turniry, na jaho rachunku piać miačoŭ.
***
Ukraina siońnia vyjhrała ŭ Anhlii ź likam 1:0 (Siarhiej Nazarenka, 29).
Turnirnaje stanovišča:
Anhlija – 24 (8 pieramoh, 0 ničyich, 1 paraza), bałans miačoŭ 31-6), Ukraina - 18 (5, 3, 1, 15-6), Charvatyja – 17 (5, 2, 2, 17-12), Biełaruś – 13 (4, 1, 4, 19—11), Kazachstan – 6 (2, 0, 7, 10-27), Andora – 0 (0, 0, 9, 3-33).
***
Padapiečnyja Biernda Štanhie vyjhrali pa dva matčy ŭ Kazachstana (5:1 – u haściach, 4:0 – doma) i Andory (3:1- u haściach, 5:1 – doma), prajhrali dva – charvatam (1:3-doma, 0:1 – u haściach), prajhrali Ukrainie ŭ Lvovie (0:1) i zhulali ŭničyju ŭ Minsku (0:0), prajhrali doma Anhlii (1:3).
***
Jak i va ŭsich hrupach, u našaj apošni tur projdzie 14 kastryčnika (sierada).
Zbornaja Biełarusi na «Ŭembli» zhulaje sa zbornaj Anhlii,
Kazachstan doma zhulaje z Charvatyjaj, a Ukraina u haściach – z Andoraj.
Kab trapić u plej-of Ukrainie treba pieramahać Andoru.
***
Zbornaja Niamieččyny vyjhrała ŭ Maskvie ŭ Rasii ź likam 1:0 (Mirasłaŭ Kłozie).
Niamieččyna zavajavała pucioŭku na čempijanat śvietu, Rasija budzie prabivacca cieraź plej-of.
***
Moładzievaja zbornaja Biełarusi (uzrost - da 21 hoda) prajhrała matč adboračnaha turniru Šatłandyi ŭ haściach ź likam 0:1.