Były kiraŭnik Rady biaśpieki Ukrainy: Rasija rychtujecca rasčlanić Ukrainu
Va Ukrainie nadrukavany artykuł byłoha kiraŭnika Rady biaśpieki krainy Ŭładzimira Harbulina. Harbulin zajmaŭ hetuju pasadu pry Kučmu. U artykule Harbulin ukazvaje na fakty, jakija śviedčać, što Rasieja rychtujecca rasčlanić Ukrainu.
Samym haračym punktam Harbulin ličyć Krym – terytoryju Ukrainy, dzie rasiejskamoŭnaje nasielnictva pieravažaje. Apošnim časam rasiejskija ŚMI pradkazvajuć chutkaje «ŭźjadnańnie» Krymu z Rasiejaj. Adnačasova rasijskija konsulstvy ŭ intensiŭnym režymie vydajuć hramadzianam poŭdnia Ukrainy rasiejskija pašparty.
Kamientujučy artykuł Harbulina, anhielskaja hazieta «The Observer» piša, što Ŭkraina i ŭschodniejeŭrapiejskija krainy zaniepakojenyja tym, što ZŠA kidajuć ich na volu losu dziela «pierazahruzki» dačynieńniaŭ z Rasiejaj. Abama ciapier zakłapočany prablemami Irana, Afhanistana dy Iraka, i ci pryjdzie jon na vyručku Ukrainie ŭ vypadku interviencyi Rasiei ŭ Krymie?
Štopraŭda, Ukrainu razam ź inšymi piaćciu krainami zaprasili ŭdzielničać u prahramie «Uschodniaje partnierstva», ale vizavy režym dla ŭkraincaŭ nie palehčyli. Uładzimier Harbulin niepakoicca, kab za śpinaju Ukrainy nie adbyłosia ździełki, kštałtu «miunchienskaj».