U Viciebskim rajonie novanarodžanaja dziaŭčynka zahinuła ŭ pamyjnaj jamie
Ranicaj 21 žniŭnia 39-hadovaja ciažarnaja žančyna pajšła ŭ prybiralniu na dvor, dzie naradziła dzicia. Novanarodžanaja dziaŭčynka ŭpała ŭ pamyjnuju jamu. Maci nie stała dastavać. Dziaŭčynka zahinuła, paviedamlaje SK.
Fota: SK
Žančyna patłumačyła śledčym, što była pjanaja i nie zrazumieła, što naradžaje. Paśla taho, jak dzicia ŭpała ŭ jamu, paličyła jaho miortvym. Na ŭliku pa ciažarnaści žančyna nie była. U 2016 hodzie jana admoviłasia ad inšaha dziciaci ŭ radzilnym domie.
Śledčyja dapytali abvinavačanuju i śviedkaŭ. Praviali pravierku pakazańniaŭ na miescy, padčas jakoj žančyna padrabiazna raspaviała abstaviny ździejśnienaha joju złačynstva.
Pavodle sudova-miedycynskaj ekśpiertyzy, u kryvi novanarodžanaj dziaŭčynki znojdzieny etyłavy śpirt u kancentracyi 1,3 pramile, što paćviardžaje fakt užyvańnia maci śpirtnoha napiaredadni rodaŭ.
Sudova-psichijatryčnaj ekśpiertyzaj ustanoŭlena, što padčas učynieńnia złačynstva abvinavačanaja mahła ŭśviedamlać charaktar i hramadskuju niebiaśpieku svaich dziejańniaŭ.
39-hadovaj žycharcy Viciebskaha rajona pradjaŭlena abvinavačańnie pa č. 1 art. 144 (pryčynieńnie śmierci pa nieaściarožnaści) Kryminalnaha kodeksa Respubliki Biełaruś. Jaje ŭziali pad vartu.