Nazvanyja finalisty Premii pravaabarončaj supolnaści Biełarusi za 2022 hod
Arhkamitet Premii pravaabarončaj supolnaści za abaronu i prasoŭvańnie pravoŭ čałavieka ŭ 2022 hodzie apublikavaŭ śpis naminantaŭ, jakija ŭvajšli ŭ šort-list, — paviedamlaje belhumanrights.house.
U naminacyi «Pravaabronca hoda—2022» u śpis uvajšli:
Uładzimir Łabkovič;
Pavieł Levinaŭ;
Nasta Łojka.
U naminacyi «Žurnalist hoda—2022» vyłučanyja:
Jaŭhien Atciecki;
Maryna Zołatava;
Aksana Kołb.
U naminacyi «Pravaabarončaja kampanija/inicyjatyva hoda—2022» nazvanyja:
Majsternia paštovak salidarnaści;
Mižnarodny kamitet pa rasśledavańni katavańniaŭ u Biełarusi;
Biełaruski fond miedycynskaj salidarnaści.
Cyrymonija ŭznaharodžvańnia pieramožcaŭ adbudziecca anłajn 20 śniežnia 2022 hoda, pačatak a 15-j hadzinie.
Sioleta cyrymonija, jakaja tradycyjna adbyvałasia 10 śniežnia, u Mižnarodny dzień pravoŭ čałavieka, projdzie paźniej — praz toje, što 10 śniežnia biełaruskija pravaabaroncy sačyli za ŭručeńniem Nobieleŭskaj premii miru Alesiu Bialackamu.
Pravaabarončaja premija za dasiahnieńni ŭ halinie pravoŭ čałavieka była zasnavanaja ŭ 2008 hodzie.
Pieršymi łaŭreatami stali pravaabaronca Barys Zvozskaŭ, advakat Tamara Sidarenka, žurnalist Siamion Piečanko.
Za hady z momantu zasnavańnia premija pašyryłasia i siońnia jość premijaj, jakoj biełaruskaja pravaabarončaja supolnaść štohod adznačaje pravaabaroncu hoda, žurnalista hoda, advakata hoda (da 2015 h.) i ŭpieršyniu ŭ 2016 h. — pravaabarončuju kampaniju ci inicyjatyvu hoda — za ŭniosak u abaronu i prasoŭvańnie pravoŭ čałavieka.