U Adesie zatrymany rasijski ahient, źviazany z PVK «Vahnier»
U Adesie zatrymany «jašče adzin ahient śpiecsłužbaŭ Rasii», paviedamlaje Słužba biaśpieki Ukrainy. U telefonie zatrymanaha mužčyny supracoŭniki ŭkrainskich śpiecsłužbaŭ vyjavili pierapisku sa štabam rasijskaj PVK «Vahnier» i maskoŭskaha AMAPa, a taksama elektronnyja karty z celami pavietranych udaraŭ rasijskaj armii pa ŭkrainskim uźbiarežžy Čornaha mora.
Pavodle źviestak SBU, rasijski ahient źbiraŭ raźviedźviestki ab bajavych pazicyjach USU na terytoryi Adesy (miescy dysłakacyi i asablivaści maskiroŭki ŭkrainskich padraździaleńniaŭ bierahavoj abarony) dla płanavańnia i naviadzieńnia rakietnych udaraŭ pa haradskoj infrastruktury.
Ahientam akazaŭsia miascovy žychar, jaki ŭ svaich akaŭntach u sacsietkach vystupaŭ u padtrymku rasijskaj ahresii, u suviazi z čym, jak śćviardžaje abvinavačvańnie, na jaho i źviarnuli ŭvahu rasijskija śpiecsłužby, zavierbavaŭšy jaho ŭ pačatku vajny.
Zatrymanamu pahražaje abvinavačvańnie pa artykule ab dziaržaŭnaj zdradzie, učynienaj va ŭmovach vajennaha stanovišča.