Łukašenka ŭ listapadzie praviadzie naradu pa pytańniach ŚMI
Alaksandr Łukašenka ŭ listapadzie praviadzie naradu pa pytańniach dziejnaści srodkaŭ masavaj infarmacyi.
Pra heta paviedamiŭ kiraŭnik Administracyi prezidenta Uładzimir Makiej 14 kastryčnika na pasiadžeńni Atestacyjnaj kamisii pry prezidencie Biełarusi, na jakim atestacyju prachodzili i kiraŭniki dvuch respublikanskich ŚMI.
Usiaho na razhlad kamisii byli pradstaŭleny kandydatury piaci kirujučych rabotnikaŭ. Heta pieršy namieśnik staršyni Minskaha abłvykankama Viktar Ščaćko, namieśnik staršyni Minharvykankama Michaił Ciciankoŭ, hienieralny dyrektar ZAT «STB» Juryj Kazijatka, hałoŭny redaktar haziety «Źviazda» Uładzimir Narkievič, rektar Hrodzienskaha dziaržaŭnaha univiersiteta imia Janki Kupały Jaŭhien Roŭba.
Na mierapryjemstvie adbyłosia surjoznaje i detalovaje abmierkavańnie prafiesijnych, dziełavych i asabistych jakaściej kiraŭnikoŭ, a taksama stanu spraŭ u padviedamnych im arhanizacyjach i śfierach. U pryvatnaści, razmova išła ab ideałahičnaj rabocie, dziejnaści ŚMI i adukacyjnaj śfiery.
U svoj adras usie piać kiraŭnikoŭ pačuli niamała krytyčnych zaŭvah. Darečy, usie zaŭvahi byli ŭličany, kali prymałasia kančatkovaje rašeńnie: atestavać kiraŭnika abo nie.
U pryvatnaści, namieśnikam staršyń abł‑ i harvykankamaŭ byli vykazany pažadańni bolš surjoznuju ŭvahu ŭdzialać zvarotam hramadzian, kožny ź jakich u adpaviednaści z patrabavańniami Prezidenta treba ŭvažliva razhladać i ŭ vypadku nieabchodnaści adrazu ž prymać naležnyja miery. Pohlady členaŭ kamisii padzialilisia pry atestacyi hałoŭnaha redaktara haziety «Źviazda», jakaja apošnim časam zbaviła abaroty i pačała stračvać svaju čytackuju aŭdytoryju. Pavodle słoŭ redaktara, kalektyŭ redakcyi raspracavaŭ niekalki tvorčych prajektaŭ i imkniecca źmianić situacyju ŭ lepšy bok. Abmiarkoŭvalisia i pytańni palapšeńnia raboty STB, u pryvatnaści, razmova išła pra bolš aktyŭny pakaz ajčynnych telefilmaŭ. Šerah zaŭvah byŭ zrobleny i ŭ adras rektara univiersiteta — adnosna palapšeńnia jakaści adukacyjnaha i vychavaŭčaha pracesaŭ.
Pa vynikach pasiadžeńnia ŭsie piać kiraŭnikoŭ byli atestavany.