Sprava Kiadzisa: sudździu zabiła mafija?
Hučnaja sprava ab piedafilii zastajecca ŭ centry ŭvahi litoŭskaha hramadstva.
Hučnaja sprava ab piedafilii zastajecca ŭ centry ŭvahi litoŭskaha hramadstva.
Fota M.Patašius, www.lrytas.lt
Zabojstva sudździ Jonasa Furmanavičusa, chutčej za ŭsio, nie źviazana sa spravaj pra seksualnyja złoŭžyvańni suprać dački Drasiusa Kiadzisa. Pra heta zajaviŭ hienprakuror Litvy Alhimantas Vałancinas.
Toje samaje paćvierdziŭ kiraŭnik parłamienckaj kamisii, jakaja pravodzić ułasnaje rasśledavańnie.
Ź jahonych słovaŭ,
śledčyja źviarnuli ŭvahu, što spačatku Kiadzis vinavaciŭ u hvałcie nad dziaŭčynkaj tolki palityka j pradprymalnika Andrusa Usasa, a maci dziaŭčynki, jaje siastru i sudździu Furmanavičusa staŭ vinavacić paźniej.
Śledčyja miarkujuć, što Kiadzisam mahli skarystacca, kab jon źvioŭ rachunki z sudździoj Furmanavičusam.
Pavodle źviestak haziety Lietuvos rytas, asnoŭnaja viersija śledčych nie źmianiłasia z samaha pačatku – złačynstva spłanavaŭ i ździejśniŭ Kiadzis. Adnak
dahetul nie vyklučajuć, što zabojstva sudździ – heta chitry płan kovienskich bandytaŭ, jakija prykrylisia skandałam, źviazanym ź piedafilijaj.
U toj ža čas nie vyklučajecca i takaja viersija, što złačyncy spačatku zabili samoha Kiadzisa, vymaniŭšy jaho z chaty, a potym raspravilisia z sudździoj.
Sudździa Furmanavičus byŭ viadomy svajoj ćviordaściu na pracesach suprać złačynnaha śvietu.
Što datyčyć Kiadzisa, to jon byŭ na jaho ŭ kryŭdzie, što toj ustaŭ na bok byłoj sužycielki Kiadzisa, kali rašałasia sprava, z kim maje zastacca ich niašlubnaje dzicia.
Minułaj vosieńniu Kiadzis źviarnuŭsia ŭ palicyju z zajavaj ab seksualnych złoŭžyvańniach u dačynieńni da jahonaj 4‑hadovaj dački.
Jon źvinavačvaŭ u saŭdziele ŭ hetym svaju byłuju sužycielku, maci dziaŭčynki, ź jakoj jon sudziŭsia za prava apieki nad dačkoj. Pavodle Kiadzisa, taja za hrošy zdavała dziaŭčynku ŭ «arendu» piedafiłam. U hetym joj dapamahała jaje siastra.
Šli miesiacy, sprava ź miesca nie kranałasia. Abvinavačanyja zajavili, što nie majuć ujaŭleńnia, pra što havorka.
5 kastryčnika ŭ centry Koŭna byŭ zastreleny adzin z tych troch, kaho Kiadzis vinavaciŭ u piedafilii — sudździa. Jašče praz paru hadzinaŭ palicyja znajšła cieła siastry sužycielki. Dzie sam Kiadzis, pakul nieviadoma.